Ghara گھڑا

Ghara   گھڑا

 آج کے دور میں پلاسٹک کی بوتلوں میں پانی بھر کر ریفریجریٹرز میں رکھ دیا جاتا ہے تاکہ پانی ٹھنڈا رہ سکے کئی قسم کے واٹر کولر بھی 

مارکیٹ مین دستیاب ہیں جن میں پانی کوٹھنڈا رکھا جا سکتا ہے

اگر ہم کچھ سال پیچھے چلیں جائیں جب واٹر کولر اور ریفریجریٹرز نہیں ہوا کرتے تھے تب لوگ پانی کو تھنڈا رکھنے کے لیے گھڑوں میں بھر کر رکھ دیتے تھے گھڑا مٹی کا بنتا تھا جسے گاوں میں کمہار بناتا تھا کمہار اپنی مہارت سے مٹی سے گھڑے تیار کرتا پھر ان گھڑوں کو کچھ دن تک آگ میں رکھا جاتا آگ کی بھٹی لگائی جاتی جس سے مٹی کے بنے ہوئے کچے گھڑے پک کر مظبوط ہو جاتے تھے۔پھر یہ گھڑے فروخت ہوتے گاوں میں زیادہ تر پیسوں کی بجائے اناج سے ان گھڑوں کو خریدہ جاتا تھا پھر ان میں صبح کے وقت پانی بھر کر رکھ دیا جاتا اور سارا دن وہ پانی پیا جاتا تھا یہ مٹی کا بنا ہوا ہوتا تھا اس لیے ہاہر کی گرمی اس کے اندر ڈالے ہوئے پانی کو گرم نہ کر پاتی تھی اور پانی ٹھنڈا ، تازہ رہتا تھا

آج اگر دیکھیں تو پانی سے بھرا ہوا گھڑا بہت کم نظر آتا ہے اس کی جگہ کولر اور  ریفریجریٹرز نے لے لی ہے مگر آج بھی اس گھڑے کے پانی کی تازگی اور مٹھاس نہ تو  ریفریجریٹرز کے پانی سے ملتی ہے اور نہ ہی واٹر کولر کے پانی سے گھڑے کے پانی کا اپنا ہی مزہ ہے۔

(عامر)